1. Fîlmekî (bnr: majid majidi) ye, ji nava jiyanê ye. serlîstikê fîlmê kor e û di nava fîlm de gotineke ecêb dibeje:

" Ez ê bi dest û tiliyên xwe li hemû deverî bigerim û xwedê bibînim. ger ku min ew dît ez ê hesabê dinyayê jê bipirsim.". lê mixabin berî ku bibînê diçê ser rehmê...

2. fîlmek têra xwe xweş û serkeftî ye lê mirov dibêje qey ne li îranê lê li nav daristanên amazonê hatiye kişandin.. her der dar û hişÎnahî.. ji her derî guvîna bê, xuşÎna avê, wîtwîta çivîkan tê.. hemû sehne û sekansên fîlmê wekê kartpostalan e û mirov guneh dikê lê binêre.. fîlm di çarçeveya têkiliyên di nav pîrik, bav û kurrî de li bersiva pirsa bînahiyê digere.. di fîlmê de du kor hene bi mirina korekî çavê korekî vedibe.. yanî mirovên nankor û bênanûxwê yên ku çavê wan li heqîqetê bel nebûyîn radixe ser kadraja xwe.. fîlmek safî û samîmî ye.. her kesê ku bi çûnûhatin û gerûfetla qederê biçekî lewitî divê dilê xwe bi fîlmên wihareng bişû û ava rûyê xwe pê bizenzilîne..